ເຮືອບິນບໍ່ມີຄົນຂັບລຸ້ນຫຼ້າສຸດຂອງອີຣານ
ສຳນັກຂ່າວ ເຈນ ລາຍງານໃຫ້ຮູ້ໃນວັນທີ 15 ທັນວາ 2023 ນີ້ວ່າ: ກອງທັບອິດສະລາມ ອີຣານ ເປັນອີກໜຶ່ງກອງທັບ
ທີ່ມີແສນຍານນຸພາບທາງການທະຫານເປັນອັນດັບຕົ້ນໆຂອງໂລກ, ໂດຍສະເພາະແມ່ນກອງທັບອາກາດອີຣານ ທີ່ຍາມໃດ
ກໍໄດ້ພັດທະນາເຮືອບິນສູ້ຮົບໃນຮູບແບບທີ່ມີຄົນຂັບ ແລະ ບໍ່ມີຄົນຂັບ, ເຊິ່ງໃນປັດຈຸບັນນີ້ມີເຮືອບິນແບບບໍ່ມີຄົນຂັບທີ່ປະ
ຈຳການໃນກອງທັບແລ້ວປະມານ 33 ລຸ້ນ, ໜຶ່ງໃນນັ້ນກໍຄື Kaman 22 ເຊິ່ງເປັນເຮືອບິນແບບບໍ່ມີຄົນຂັບລຸ້ນຫຼ້າສຸດທີ່
ອີຣານ ນຳເຂົ້າປະຈຳການ ແລະ ໄດ້ມີການທົດລອງປະສິດທິພາບຂອງອາວຸດ ແລະ ຂີດຄວາມສາມາດຕ່າງໆແລ້ວຫຼາຍຄັ້ງ.
ສຳລັບເຮືອບິນແບບບໍ່ມີຄົນຂັບລຸ້ນ Kaman 22 ນີ້ ຖືກອອກແບບເມື່ອປີ 2016-2017, ສຳເລັດການຜະລິດ ແລະ
ທົດລອງໃນປີ 2021, ຈາກນັ້ນ, ຖືກນຳເຂົ້າປະຈຳການໃນກອງທັບໂດຣນໃນປີ 2022. ເຮືອບິນດັ່ງກ່າວມີນ້ຳໜັກປະມານ
3 ໂຕນ, ໂຈມຕີໃນໄລຍະໄກສຸດ 300 ກິໂລແມັດ, ບິນສູງຈາກໜ້າດິນໄດ້ປະມານ 24 ກິໂລແມັດ, ສາມາດຕິດຕັ້ງລູກສອນ
ໄຟພິໄສໃກ້ ແລະ ກາງໄດ້, ມີປະສິດທິພາບສູງໃນການໂຈມຕີ ແລະ ທຳລາຍລ້າງເປົ້າໝາຍສູງ, ທີ່ສຳຄັນມັນສາມາດລົບຫຼີກ
ຄື້ນຣາດາກວດຈັບຂອງຝ່າຍກົງກັນຂ້າມໄດ້. ນອກຈາກນີ້, ຮູບຊົງຂອງມັນຈະແຕກຕ່າງຈາກເຮືອບິນລຸ້ນຜ່ານໆມາ ເຊິ່ງມັນຈະ
ມີລະບົບການຄວບຄຸມ ແລະ ການຄຳນວນຄ່າຕ່າງໆ ໃນການໂຈມຕີເປົ້າແບບອັດຕະໂນມັດແລ້ວສົ່ງໄປຍັງສູນບັນຊາການ ເພື່ອ
ລໍ້ຄຳສັ່ງ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/12/2023